Planeta do rio Sar
e a Estrela Rosalia
Hai estradas de cores no Planeta do Sar,
coma arcos da velha e tridimensionais.
Tem uma cúpula magnética no seu ar,
que filtra a fortíssima luz da sua estrela Nai.
Quando entras na atmosfera do gigante do Sar,
tódalas cousas som mágicas e celestiais.
So vivindo nos sonhos, nela podes entrar,
alí o Mundo move-se so coas tuas sinais.
Pode-se ver o que a tua imaginaçom queira,
o que mais che cobice, tamém pode-lo ter,
so tés que deixar-te voar à tua maneira
e aparecerá a gentinha que ti queiras ver.
Com quem queiras falar, eles onda ti viram,
podendo aparecer em todo tempo e lugar.
Teus queridinhos todos, onda ti viviram,
disfrutando as paisagens que ti queiras mirar.
Ti vivirás voando coa tua imaginaçom,
no teu próprio Mundo, no teu Planeta do Sar,
o teu Lar, feito a medida da tua ilusom.
Paradiso de sonhos, onde sem ás voar.
E sempre girando arredor de Rosalia,
a estrela amarela, a poetisa e Sol do Sar.
A luz que sai dela, enche de cores à via
que geram os arcos da velha, que fam sonhar.
Um Universo sonhado pola poetisa,
que rabeaba polas cores da sua terrinha
e sempre esforzava-se em describi-las.
Quem lhe diria, que hoje seria uma estrela.
Se botaras os teus sonhos ò vento a voar,
imaginando um Mundo de cores ideal,
feito de poesia e do que queiras levar,
entrarias alá, no Planeta do rio Sar.
🌟
Moradelha editora
Ningún comentario:
Publicar un comentario